تسجيل دخول
اسم المستخدم :
كلمة المرور :

من ظروف الوقت ما عمري شكيت 
ابتسم للوقت..رغم .. المهزلة..

والسنين تمر..وأنا ..ما حكيت 
ما حكيت عن الشقا..والبهذلة

غلطتي صدقت هالناس ووفيت 
لين جاني شيء.. ما أتحمله..

ليتني قبل التجي لك استحيت 
من عيون ذابت.. من الأسئلة..

مشكلة لا صار لي عبرة ونسيت
بالزمان اللي مضى .. في أوله!

العمر ..لحظه..تعمر الف بيت 
والبعض لحظة.. تدمر ..منزله 

والمواقف تحيي الناس وتميت 
وموقفك .. والله ما أستحمله

بعد ما شفته بعيني وانكويت 
من عذاب ونار..ظلم المسألة 

خذت مع نفسي عهد وانطويت
ما أعيش بقصر..ساسه منذله 

والدموع أغص فيها ما بكيت
ما يبكيني.. ضرب الأمثلة ..!

ماخذه من أمي علم الإتكيت
وحافظة نفسي بأعلى منزله

ومن حنان أبوي وعطفه ارتويت
ووراثة منه ..علوم المرجلة

خلني أذكرك إن كانك نسيت 
وخلني أعلمك شيء “ن” تجهله

للعنا والجرح يا هيه.. ارتكيت 
ما أبالي لو  علومك …مذهله..

شامخة في وجه ظرفي ما انحنيت
لو يكون إعصار والا.. زلزلة !!

الشاعرة /عابده السلامي

الكلمات الدلالية
التواصل الاجتماعى
شركة اختيار المستقبل

اترك تعليقاً

لن يتم نشر عنوان بريدك الإلكتروني.

تسجيل دخول
المشاهدات
295
التعليقات
0